युनेस्को (UNESCO) क्रिएटिव्ह सिटी नेटवर्क-२०१९ ने प्रतिष्ठित शहरांच्या यादीमध्ये मुंबई चे नाव समाविष्ठ व्हावे यासाठी सहकार्य मिळावे म्हणून मुंबई चे महानगर पालिका आयुक्त मा. श्री.प्रवीण परदेशी यांनी चित्रपट,साहित्य,लोककला इत्यादी क्षेत्राशी निगडित असणाऱ्या संस्थांची बैठक दि.२७ जून २०१९ रोजी महानगर पालिका मुख्यालय येथे आयोजित केली होती.त्यास महामंडळाचे सह कार्यवाह श्री.विजय खोचिकर,संचालिका वर्षा उसगावकर व संचालिका चैत्राली डोंगरे हे उपस्थित होते.सदर बैठकीमध्ये विद्यार्थ्यांसाठी उपयुक्त असणाऱ्या विषयाचे चित्रपट प्रत्येक शाळेमध्ये दाखविण्यात यावेत व त्या चित्रपटांमधील कलाकार - तंत्रज्ञ यांच्यासोबत भेट घडवून आणावी जेणेकरून, विद्यार्थ्यांमध्ये चित्रपट क्षेत्राविषयी आवड निर्माण होईल व भविष्यात ते देखील आपले करियर या क्षेत्रामध्ये करण्याचा विचार करू शकतील यासंदर्भात चर्चा झाली.